 Föemm e pruföemm deent in de la stànza
söel bancòn la butèglia la danza
cumè ràtt in de la nòcc ciàpum scià quel che avanza
büceer cumè öcc senza speranza...
Quèll là cul lecca lecca el fasèva el legiunàri
el parla de par lüü e cui Saant del calèndari
el füma Maziunaaj e diis che va' mai in lècc
per pagüra di ricòrdi che ghe sòlten föe del spècc
Föemm e Pruföemm
Föemm e Pruföemm
Quai vöen prèma de beev el fà el segnu de la cruus
quai vöen stravàcca tütt e bastèma a bassa vuus
i tètt de la barista hann scrivüü fin tropp'i'stòri
caramèll e totocalcio e giugaduu cun scià 'el sètt d'ori
Föemm e pruföemm deent in de la stànza
söel bancòn la butèglia la danza
cumè ràtt in de la nòcc ciàpum scià quel che avanza
büceer cumè öcc senza speranza...
Giacumènn giachèta a quadri innanz e indree dal gabinett
Mariu Musca el paar che noda in di pàgin di Gazzètt
i henn giurnaad giammò sciüsciàa, fiaschi senza fuund
radiulèna cul catàrr che carcàja e cerca i uund
Föemm e Pruföemm
Föemm e Pruföemm
El Tugnèn l'ha faa la guèra scundüü in una cantèna
l'Orzowei l'è naa in Francia e l'ha spusaa'na marucchèna
se vàrda un poo el suffitt, se vàrda un poo i piastrèll
ma quaand passa la barìsta... se varda sempru quèll...
|
Switch to Russian 